martes, 10 de julio de 2007

Fórmula emplegada pol conceyal d'Andecha Carreño pa prometer el cargu

Fórmula emplegada pol conceyal d'Andecha Carreño pa prometer el cargu:

"POR IMPERATIVU LLEGAL, ENSIN RENUNCIAR A LOS DRECHOS NACIONALES D'ASTURIES Y A LA SOBERANÍA DE LOS SOS CIUDADANOS Y CIUDADANES, SÍ PROMÉTOLO".

Intervención nel Plenu d'Investidura:

Por segunda vegada, la Izquierda Nacionaliega, Ecoloxista y Alternativa cuenta con voz y votu nesta Casa Conceyu. Y esto ye posible porque munchos vecinos y vecines de Carreño entienden que ye necesaria la esistencia d'una opción política qu'entienda Asturies como País y que trabaye pola so recuperación, y confíen n'Andecha por Carreño-Unidá pa llevar a cabo esi llabor.

Güei siguimos asumiendo'l compromisu d'entamar esi camín a la gueta de la Soberanía popular y la recostrución nacional d'Asturies.
Los resultaos eleutorales vuelven a situar a 6 partíos políticos nesta Casa Conceyu, nuna situación asemeyada a la de fai 4 años, que reflexa'l pluralismu políticu del nuesu Conceyu. Durante la campaña electoral Andecha por Carreño-Unidá caltuvo nel so discursu una postura abondo nidia sobre los exes nos que tenía que sofitase la política de gobiernu nel conceyu de Carreño. Nós apostamos por un desarrollu sostenible, una verdadera democracia participativa, un desarrollu de polítiques de mocedá y, en definitiva, una meyora de la calidá de vida de lo carreñinos y carreñines. Esa garantía de bon gobiernu en Carreño, sólo pue afitase sobre l'alternativa que ye la izquierda nacionalista que representa Andecha por Carreño-Unidá. Poro, presentamos al nuesu conceyal pa l´alcaldía de Carreño, sabedores de que los resultaos electorales d´anguaño nun van suponenos posibilidá dalguna de gobernar y camudar les coses nesti conceyu. Ensin embargu, preséntome a l'alcaldía porque ensin nenguna dubia Andecha por Carreño-Unidá tien vocación de tresformación, ye dicir, tien vocación de gobiernu, y el nueso compromisu colos nuesos votantes ye lliderar esa tresformación necesaria pa Carreño y p´Asturies.
Tal como ficimos nestos 4 años, ye la nuesa intención siguir negociando los presupuestos municipales como ficimos la pasada llexislatura, y vamos siguir sofitando toes aquelles cuestiones coles que temos d'alcuerdu, y refugando lo que non compartamos, venga de quién venga, intentando llevar a cabu'l nuesu programa eleutoral, y siempre dende una actitú costructiva y n'interés de Carreño y los sos vecinos y vecines.

El nuesu compromisu ye claru, vamos siguir defendiendo'l proyeutu que presentamos pa Carreño, ya seya dende'l gobiernu o dende la oposición.
Dende Andecha por Carreño-Unidá, siguiremos trabayando durante estos 4 años pa intentar asegurar que dende la Casa Conceyu se faigan polítiques dende Asturies y p'Asturies, polítiques d'izquierdes y ecoloxistes, y polítiques comprometíes colos vecinos y vecines de Carreño.

¡¡PUXA CARREÑO!!
¡¡PUXA ASTURIES!!

11 comentarios:

Anónimo dijo...

Sois lo mejor que le ha pasado a este concejo.
PUXA ANDECHA
PUXA ASTURIES
PUXA SANTI

Anónimo dijo...

Bones, taría bien qu'algamarais que la web de la casa conceyu de carreño tenga versión n'asturianu.

Un abrazu y alantre!

Anónimo dijo...

A ver si actualizais...

¡puxa andecha carreño! dijo...

Enhorabuena Andecha. He leído en candasdenuncia que habeis ganado la votación de "El partido más valorado y querido por los carreñenses". Era de esperar porque sois los mejores.
¡PUXA ANDECHA CARREÑO!

Anónimo dijo...

En asturiano o en castellano.....
¡PUXA ANDECHA!
¡VIVA ANDECHA!
Sois los mejores

r.r.b. dijo...

El anónimo del 17 de Julio tiene razón. La web del ayuntamiento debería tener la versión en asturiano. Me parece una falta de respeto por parte del ayuntamiento hacia los asturianoparlantes.

Anónimo dijo...

Lo que deberían era renovar la pagina que esta igual que hace años

Anónimo dijo...

Espero qu'en cuantes fine'l branu entameis a asoleyar actividaes...porque esto ta mui muertu.

Anónimo dijo...

Cuando hablais de renovar páginas ¿a qué os referís? está está muy bien y actualizada cuando hay algo interesante que contar.
Aclararos porque al menos yo no lo entiendo

Anónimo dijo...

Pues ya puestos a renovar, en la web del ayuntamiento la última noticia es del 2006. Y el orden de la lista de concejales es incorrecto http://www.ayto-carreno.es/noticias/index.htm

Anónimo dijo...

Es que en el ayuntamiento es vago hasta el que se ocupa de la página web. ¿Para qué trabajar si "los jefes" se están tocando los perendengues?