Andecha Astur denuncia el estado en que se encuentra la carretera de El Regueral

22-Diciembre-2006
La carretera presenta un estado lamentable por culpa de las obras de la variante a Antromero, que será la futura vía rápida entre Candás y Lluanco

Andecha Astur de Carreño presentó una quexa na Comisión d’Urbanismu celebrada güei martes, 19 d’Avientu, y solicitó al conceyal d’urbanismu y al equipu gobiernu que tomase medies con respeutu a la situación de la carretera CE-1, al so pasu por El Regueral.

A primeros del mes de Xunetu (Julio), l’ayuntamientu (cola postura en contra d’Andecha Astur), accedió a la petición de la empresa pa cortar el pasu temporalmente pola carretera de El Regueral, durante les obres de costruición de la Variante d’Antromero. Nel mes de Payares (Noviembre), la empresa volvió abrir la carretera al pasu de vehículos y persones.

A día de güei, la carretera presenta un estáu llamentable y vergonzoso, ya que’l pasu pol barriu la Martona sigue estando impracticable pal pasu peatonal y ye muy peligrosa pal pasu de vehículos. La gran cantidá de barru acumulao nel cruce ente la futura variante y la carretera El Regueral fai que non cumpla coles mínimes condiciones de seguridá que tendría que tener una carretera d’esti tipu, y ya provocó sobresaltos a varios usuarios.

Hai que recordar qu’esta carretera ye’l pasu hacia Candás de buena parte de los vecinos del Pieloro y El Regueral, y ye muy usada (al menos era muy usada hasta qu’empezaron les obres), como zona d’entrenamientu pola so cercanía al Polideportivu Municipal, y como zona de paséu de munchos vecinos de Candás.

Por otra parte, y nesta zona, les dos grandes piles de barru, que serán usaes como rellenu superior del túnel en costruición, non cumplen coles mínimes condiciones de seguridá que tendría que cumplir. Antes del veranu, Andecha Astur ya trasladó a la Comisión d’Urbanismu quexes pola manera d’acopiar el material y la falta de seguridá que supondría ante un posible deslizamiento, y el Conceyal d’Urbanismu dixo que diba requerir a la empresa pa qu'este depósitu se ficiera como indica la llei que tien que facese. Varios meses dempués, nin estes dos piles de barru ni la nueva pila que se ta faciendo na zona de El Pibidal (La Matiella), cumplen coles mínimes condiciones de seguridá nin s’axusten a la llicencia concedía pol Ayuntamientu.
Dende Andecha Astur, entendemos que l’equipu gobiernu del Ayuntamientu Carreño, y el conceyal d’Urbanismu, non pueden mirar pa otru llau y non pueden permitir qu’esta carretera presente esta situación qu'a día de güei ye insostenible, y supón un grave riesgu pa toles persones que s’atreven a circular por ella.