Andecha Carreño presenta un nuevo reglamentu de la plaza d'abastos de Candás

2-Abril-2007 Andecha de Carreño presenta un reglamentu de furrulamientu de la plaza d ’abastos al resto de grupos políticos, pal so estudio y aprobación. L’actividá de la plaza d’Abastos de Candás ta decayendo dende fai dellos años, y nadie actua pa evitalo.
Ye por todos sabida la esistencia de numberosos productores del conceyu Carreño, que se desplacen al mercáu d’Avilés a vender los sos productos, al non encontrar atractiva la Plaza d’abastos de Candás.
Ye necesario revitalizar y promocionar la plaza d’abastos de Candás, incluso como atractivu turísticu, y sacar a sortéu públicu los numberosos llocales que s’encuentren vacios.
Pa ello, Andecha presenta un reglamento de réximen interior pal Mercáu Municipal-Plaza d’Abastos de Candás, cuyu oxetivu ye “regular el funcionamiento del servicio de abastecimiento público en el Mercado Municipal/Plaza d’Abastos de la villa, así como la regulación del régimen administrativo de los puestos de venta, instalaciones y demás servicios propios de los mismos”. El reglamentu que ta actualmente en vigor non ta actualizáu (aprobóse el 19-11-75, el día antes que morriera'l dictador Franco).

Andecha propón un nuevu reglamentu que, ente otres coses:
• Impide los traspasos de locales. Una vez que'l local queda llibre, ye l’ayuntamientu quien lo saca a concursu o sortéu. Solamente se permite la cesión de los locales “de titular a conyuge o hijos, o a empleado con antigüedad de más de 2 años”.
• Asinamesmo, favorez la concesión de llicencies pa los productores tradicionales y los vecinos/es de Carreño.
• Acondiciona una zona pa la recoyida selectiva de la basoria.
• Regula que los llocales mantengan actividá comercial. Si non s’utilicen, l'ayuntamientu podrá sacalos nuevamente a sortéu públicu.

Andecha, tamién impulsará los trabayos que ya empezó la comisión Municipal d'Hacienda p'aclarar la situación llegal de los llocales que lleven tiempu sin actividá comercial.Ye necesario revisar les llicencies concedíes y comprobar cuálos de los puestos tan realmente en funcionamientu. Dase la situación de que na planta inferior non hai práuticamente nengún puestu abiertu dende fai dellos meses, y sin embargu hai demanda de llocales p’ampliar comercios esistentes o p’abrir nuevos comercios.
Dende Andecha, pretendemos que se lleve al pleno municipal, tras ser revisao pol resto de grupos políticos y antes de que termine esta llexislatura, pa evitar el parón de dellos meses que sufren los ayuntamientos durante les elecciones, y que fadría que se retrasara hasta dempués del veranu.

Santi Artime. Conceyal d’Andecha Carreño