Presentación d’Andecha por Carreño y UNIDÁ en Candás

El vienres 27 d’abril presentóse en Candás la candidatura del conceyu d’Andecha por Carreño, y la candidatura nacional d’UNIDÁ. Na presentación, el candidatu Santi Artime, fexo un repasu al programa en Carreño.
Santi Artime remembró qu’esta candidatura herieda el so trabayu de cuatro años como conceyal del grupu municipal d’Andecha Astur de Carreño. Aseguró qu’esti añu renuevase la llista con dellos miembros del asociacionismu más dinámicu del conceyu. D’esti xeitu, agradeció el so apoyu, y aseguró que esti grupu de persones presentase a les elleciones de conceyu como una opción de gobiernu. Andecha por Carreño recueye nel so programa les lluches y revindicaciones del movimientu vecinal como la oposición al esfarrapamientu del Alto Aboño, el descontrol urbanísticu de Candás, la defensa de los puestos de trabayu de la mar, la protección de los valores paisaxísticos, la necesidá d’un parque de vivienda pública n’alquiler, el frenu a la invasión de industria contaminante, yaeso…
IGnaciu Llope, candidatu d’Unidá, expuso la necesidá de crear un frente de la izquierda nacionalista asturiana que sume fuerces pa sacar país de la actual situación de esboroñamientu social, ambiental y cultural.